O básico...

Integra Futuros Sostíbeis promove o desenvolvemento sostíbel a través do deseño e da implantación de proxectos de xestión de espazos naturais, educación ambiental e participación cidadá.

Colaboramos tamén na busca de financiamento, público e privado, dende subvencións e patrocinios locais ata fondos europeos.

Os nosos proxectos sempre os levamos a cabo en colaboración con outras entidades: o sector público: concellos, centros educativos etc., e o terceiro sector: comunidades e mancomunidades de montes, asociacións veciñais, ecoloxistas e culturais, ANPA, etc. O noso forte é axudar a desenvolver unha idea inicial e convertela nun proxecto profesional, realizable e financiable.

Que facemos

Moitas veces os nosos proxectos combinan a recuperación e xestión física de espazos naturais con proxectos paralelos de educación para a sustentabilidade e de participación cidadá. Non obstante, para entendelos mellor, aquí dividimos os servizos que ofrecemos en 5 liñas distintas:

• Xestión de espazos naturais
• Educación ambiental
• Participación cidadá
• Interpretación ambiental
• Deseño e xestión de proxectos e a busca de financiamento