Interpretación ambiental

Deseñamos folletos, paneis e outros materiais de interpretación que aumentan o valor educativo de calquera visita aos espazos naturais.

Moi enlazado coa xestión de espazos naturais con fins educativos, a interpretación trata de facer dúas cousas: por un lado informa sobre o lugar e o seu interese e valor natural, mais tamén trata de personalizar e de fomentar a relación entre o visitante e o lugar. De feito, a mellor interpretación moitas veces non inclúe longas explicacións, senón trata de inspirar e provocar o interese. En Integra cremos no valor da arte ambiental como unha ferramenta de interpretación, como as esculturas nestas fotos que contan algo da historia e do presente do lugar, mais tamén provocan a imaxinación e a contemplación.